Languages:
 

 

İqtisadiyyatı güclü olan dövlət hər şeyə qadirdir
Heydər Əliyev


 

Yeniliklər üçün:











 




Antiinhisar Siyasəti və İstehlakçıların Hüquqlarının Müdafiəsi Dövlət Xidməti maarifləndirmə tədbirlərini davam etdirilir

İstehlakçıların hüquqlarının müdafiəsinin gücləndirilməsi sahəsində İqtisadiyyat Nazirliyinin Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən kompleks tədbirlərin həyata keçirilməsi davam etdirilir. Bu çərçivədə istehlakçıların maarifləndirilməsində mühüm əhəmiyyət kəsb edən müxtəlif konfrans və seminarlar təşkil edilir, KİV-lərdə istehlakçı hüquqları ilə bağlı məlumatlar yayılır, istehlakçı hüquqlarına dair müxtəlif mövzularda bukletlər, yaddaş kitabçaları və digər əyani vəsaitlər hazırlanaraq istehlakçılara paylanılır.

Bu istiqamətdə növbəti tədbir iyulun 22-də Balakən rayonunda keçirilmişdir. Aidiyyəti dövlət qurumlarının, ictimai təşkilatların nümayəndələrinin və 120-ə yaxın istehlakçının iştirakı ilə keçirilən “Hər bir istehlakçı öz hüquqlarını bilməli və tələb etməlidir” mövzusunda tədbirdə çıxış edən Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin rəis müavini Araz Əliyev istehlakçı hüquqlarının qorunmasında maarifləndirmənin, təbliğat-təşviqat işlərinin əhəmiyyətindən danışmış, Xidmətin həyata keçirdiyi maarifləndirmə tədbirləri, istehlakçıların hüquqlarının qorunması sahəsində qanunvericilik barədə məlumat vermiş, istehlakçı hüquqlarının təmin olunmasında dövlət orqanları ilə istehlakçılar arasında əlaqələrin genişləndirilməsinin vacibliyini vurğulamışdır. 

Konfransda Xidmətin əməkdaşları istehlakçı hüquqlarına dair məruzələrlə çıxış edib, xidmət qaydalarının tələblərinə əməl olunması və xidmət mədəniyyətinin yüksəldilməsi istiqamətində həyata keçirilən tədbirlər, istehlakçıların ərzaq malları alarkən diqqət yetirməli olduğu məsələlər, ictimai-iaşə və xidmət müəssisələrinin vəzifələri barədə ətraflı məlumat verib, tədbir iştirakçılarının suallarını cavablandırıblar.
Həmin gün Dövlət Xidməti tərəfindən Balakən rayonunda fəaliyyət göstərən və malları (işləri, xidmətləri) dövlət vəsaitləri hesabına satın alan təşkilatların nümayəndələri üçün təlim kursu keçirilmişdir.
Təlim kursunda iştirakçılara dövlət vəsaitlərindən daha səmərəli istifadə edilməsi, dövlət satınalmaları sahəsində mövcud qanunvericilik, satınalma prosesində rəqabət, ədalət və şəffaflığın təmini, satınalma prosedurlarına əməl olunması və səmərəliliyin yüksəldilməsi istiqamətində həyata keçirilən tədbirlər barədə ətraflı məlumat verilmiş, təlim iştirakçılarının sualları cavablandırılmışdır.




Dövlət satınalmalarına cəlb olunan mütəxəssislərin nəzəri biliklərinin artırılması məqsədilə təlim kursları davam etdirilir

İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin təşkilatçılığı ilə iyulun 14-15-də satınalan təşkilatların dövlət satınalmalarına cəlb olunan mütəxəssisləri üçün təlim kursları keçirilmişdir.
“Dövlət satınalmaları: metodlar və onların tətbiqi şərtləri” mövzusunda iyulun 14-də təşkil olunan tədbirdə “Azərbaycan Dəmir Yolları” Qapalı Səhmdar Cəmiyyətinin, Dövlət Sərhəd Xidmətinin, Dövlət Dəniz Administrasiyasının, Mərkəzi Bankın və Milli Arxiv İdarəsinin, iyulun 15-də keçirilən tədbirdə isə Nəqliyyat, Maliyyə, Gənclər və İdman nazirliklərinin, İnsan Hüquqları üzrə Müvəkkili (Ombudsman) Aparatından dövlət satınalmalarına cəlb olunan 70-ə yaxın mütəxəssis iştirak etmişdir. 

Təlim kursunda Dövlət Xidmətinin əməkdaşları tərəfindən iştirakçılara dövlət vəsaitlərindən səmərəli istifadə edilməsi, dövlət satınalmaları sahəsində mövcud qanunvericilik, satınalma prosesində rəqabət, ədalət və şəffaflığın təmini, satınalma prosedurlarına əməl olunması və səmərəliliyin yüksəldilməsi istiqamətində həyata keçirilən tədbirlər barədə ətraflı məlumat verilmiş, təlim iştirakçılarının sualları cavablandırılmışdır.

Dövlət satınalmalarına cəlb olunan mütəxəssislərin maarifləndirilməsi məqsədilə təlimlər davam etdiriləcək.





Dövlət satınalmalarına cəlb olunan mütəxəssislər üçün təlim kursları davam etdirilir

İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin təşkilatçılığı ilə iyulun 5-də dövlət satınalmalarına cəlb olunan mütəxəssislər üçün təlim kursu keçirilmişdir.
“Dövlət satınalmaları: metodlar və onların tətbiqi şərtləri” mövzusunda təşkil olunan növbəti tədbirdə Rabitə və Yüksək Texnologiyalar Nazirliyinin, Dövlət Statistika Komitəsinin, Dövlət Gömrük Komitəsinin və Əmlak Məsələləri Dövlət Komitəsinin dövlət satınalmalarına cəlb olunan mütəxəssisləri iştirak etmişdir.  

Təlim kursunda iştirakçılara dövlət vəsaitlərindən daha səmərəli istifadə edilməsi, dövlət satınalmaları sahəsində mövcud qanunvericilik, satınalma prosesində rəqabət, ədalət və şəffaflığın təmini, satınalma prosedurlarına əməl olunması və səmərəliliyin yüksəldilməsi istiqamətində həyata keçirilən tədbirlər barədə ətraflı məlumat verilmiş, təlim iştirakçılarının sualları cavablandırılmışdır.





Gəncədə istehlakçı hüquqlarına dair Konfrans keçirilib

İyunun 24-də İqtisadiyyat Nazirliyinin Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin təşkilatçılığı, aidiyyəti dövlət orqanlarının regional bölmələrinin, ictimai təşkilatların nümayəndələrinin və 250-ə yaxın istehlakçının iştirakı ilə Gəncədə "Hər bir istehlakçı öz hüquqlarını bilməli və tələb etməlidir" mövzusunda Konfrans keçirilib.

Tədbirdə çıxış edən Dövlət Xidmətinin rəis müavini Araz Əliyev istehlakçı hüquqlarının qorunmasında maarifləndirmənin, təbliğat-təşviqat işlərinin əhəmiyyətindən danışıb, Xidmətin həyata keçirdiyi maarifləndirmə tədbirləri barədə məlumat verib. Bildirilib ki, istehlakçıların maarifləndirilməsi məqsədilə konfrans və seminarlar, dəyirmi masalar təşkil edilir, istehlakçı hüquqları barədə maarifləndirici məlumatlar yayılır, ticarət və ictimai-iaşə obyektlərinin xidmət personalı üçün təlimlər keçirilir, istehlakçı hüquqlarına dair müxtəlif mövzularda bukletlər, yaddaş kitabçaları və digər əyani vəsaitlər hazırlanaraq istehlakçılara paylanılır. Dövlət Xidməti tərəfindən bu ilin ilk 5 ayı ərzində istehlakçıların maarifləndirilməsi məqsədilə 24 adda 30 mindən artıq buklet və yaddaş kitabçasının istehlakçılara paylanılmasını təmin edib. Ticarət qaydalarına əməl olunması ilə bağlı maarifləndirici məlumatlar 560 mindən artıq elektron ünvana göndərilib. Bundan başqa, ticarət, ictimai iaşə və digər sahələrdə istehlakçıların bilməli olduqları əsas məsələlərin əks olunduğu 23 adda maarifləndirici məlumat kütləvi informasiya vasitələrində yayımlanıb.
Konfransda Xidmətin əməkdaşları istehlakçı hüquqlarına dair məruzələrlə çıxış edib, xidmət qaydalarının tələblərinə əməl olunması və xidmət mədəniyyətinin yüksəldilməsi istiqamətində həyata keçirilən tədbirlər, istehlakçıların ərzaq malları alarkən diqqət yetirməli olduğu məsələlər, ictimai-iaşə və xidmət müəssisələrinin vəzifələri barədə ətraflı məlumat verib, tədbir iştirakçılarının suallarını cavablandırıblar.
Sonda tədbir iştirakçılarına istehlakçı hüquqlarına dair maarifləndirici materiallar paylanılıb.




, Sonrakı xəbərlər


    
 
 
 
 
 
 
 
 
 
 
 
 
 
 
 
 
 
 








 

 

Müəllif hüquqları qorunur. Saytda yerləşdirilmiş məlumatlardan istifadə zamanı www.tender.gov.az saytına istinad edilməsi mütləqdir. Copyright © 2010-2016.
İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti
E-mail: office@consumer.gov.az
İnternet səhifəsi: www.consumer.gov.az